tumhaari aankhon mein gar nami hai to zindagi hai

tumhārī āñkhoñ meñ gar namī hai to zindagī hai

jo zindagī meñ koī kamī hai to zindagī hai

sukūt taarī jo ho gayā to tamām-shud hai

koī ḳhamoshī jo boltī hai to zindagī hai

koī ḳhayāl aur ḳhvāb na ho to ik ḳhalā hai

ki soch pāgal bhaTak rahī hai to zindagī hai

vo choT jo ki kisī ko ghāyal kiye hue hai

tumhāre dil par agar lagī hai to zindagī hai

tamām hāsil to zinda rahnā nahīñ gavārā

kahīñ zarā sī bhī tishnagī hai to zindagī hai

jo moḌ aage paḌā huā hai vo jā ke dekho

vahāñ na.ī raah gar banī hai to zindagī hai

maiñ roz ḳhud se jhagaḌ ke ḳhud ko manā rahī huuñ

haañ merī mujh se Thanī huī hai to zindagī hai

tumhaari aankhon mein gar nami hai to zindagi hai

jo zindagi mein koi kami hai to zindagi hai

sukut tari jo ho gaya to tamam-shud hai

koi KHamoshi jo bolti hai to zindagi hai

koi KHayal aur KHwab na ho to ek KHala hai

ki soch pagal bhaTak rahi hai to zindagi hai

wo choT jo ki kisi ko ghayal kiye hue hai

tumhaare dil par agar lagi hai to zindagi hai

tamam hasil to zinda rahna nahin gawara

kahin zara si bhi tishnagi hai to zindagi hai

jo moD aage paDa hua hai wo ja ke dekho

wahan nai rah gar bani hai to zindagi hai

main roz KHud se jhagaD ke KHud ko mana rahi hun

han meri mujh se Thani hui hai to zindagi hai