tumhaari yaad ke dipak bhi ab jalana kya
tumhārī yaad ke dīpak bhī ab jalānā kyā
judā hue haiñ to ahd-e-vafā nibhānā kyā
basīt hone lagī shahr-e-jāñ pe tārīkī
khulā huā hai kahīñ par sharāb-ḳhāna kyā
khaḌe hue ho miyāñ gumbadoñ ke saa.e meñ
sadā.eñ de ke yahāñ par fareb khānā kyā
har ek samt yahāñ vahshatoñ kā maskan hai
junūñ ke vāste sahrā o āshiyāna kyā
vo chāñd aur kisī āsmāñ pe raushan hai
siyāh raat hai us kī galī meñ jaanā kyā
tumhaari yaad ke dipak bhi ab jalana kya
juda hue hain to ahd-e-wafa nibhana kya
basit hone lagi shahr-e-jaan pe tariki
khula hua hai kahin par sharab-KHana kya
khaDe hue ho miyan gumbadon ke sae mein
sadaen de ke yahan par fareb khana kya
har ek samt yahan wahshaton ka maskan hai
junun ke waste sahra o aashiyana kya
wo chand aur kisi aasman pe raushan hai
siyah raat hai us ki gali mein jaana kya
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
