tumhaari yaad mein yun din guzarte hain hum

tumhārī yaad meñ yuuñ din guzārte haiñ ham

ki saañs saañs pe tum ko pukārte haiñ ham

hayāt-e-nau kī ġhazal ko sañvārnā hai hameñ

tabhī to jazba-e-dil ko ubhārte haiñ ham

tumhāre pyaar ke maktūb aaj paḌh paḌh ke

purāne zaḳhmoñ ko phir se nikhārte haiñ ham

guloñ se aaj bhī itnī mohabbateñ haiñ hameñ

ḳhizāñ meñ jā ke chaman ko sañvārte haiñ ham

baḌe ḳhulūs se sunte haiñ giit 'sāqī' ke

har ek lafz ko dil meñ utārte haiñ ham

tumhaari yaad mein yun din guzarte hain hum

ki sans sans pe tum ko pukarte hain hum

hayat-e-nau ki ghazal ko sanwarna hai hamein

tabhi to jazba-e-dil ko ubhaarte hain hum

tumhaare pyar ke maktub aaj paDh paDh ke

purane zaKHmon ko phir se nikhaarte hain hum

gulon se aaj bhi itni mohabbaten hain hamein

KHizan mein ja ke chaman ko sanwarte hain hum

baDe KHulus se sunte hain git 'saqi' ke

har ek lafz ko dil mein utarte hain hum