tumhein dil-lagi bhul jaani paDegi mohabbat ki rahon mein aa kar to dekho

tumheñ dil-lagī bhuul jaanī paḌegī mohabbat kī rāhoñ meñ aa kar to dekho

taḌapne pe mere na phir tum hañsoge kabhī dil kisī se lagā kar to dekho

vafāoñ kī ham se tavaqqo nahīñ hai magar ek baar aazmā kar to dekho

zamāne ko apnā banā kar to dekhā hameñ bhī tum apnā banā kar to dekho

ḳhudā ke liye chhoḌ do ab ye parda ki haiñ aaj ham tum nahīñ ġhair koī

shab-e-vasl bhī hai hijāb is qadar kyoñ zarā ruḳh se āñchal uThā kar to dekho

jafā.eñ bahut kiiñ bahut zulm Dhaa.e kabhī ik nigāh-e-karam is taraf bhī

hamesha hue dekh kar mujh ko barham kisī din zarā muskurā kar to dekho

jo ulfat meñ har ik sitam hai gavārā ye sab kuchh hai pās-e-vafā tum se varna

satāte ho din-rāt jis tarah mujh ko kisī ġhair ko yuuñ satā kar to dekho

agarche kisī baat par vo ḳhafā haiñ to achchhā yahī hai tum apnī sī kar lo

vo māneñ na māneñ ye marzī hai un kī magar un ko 'purnam' manā kar to dekho

tumhein dil-lagi bhul jaani paDegi mohabbat ki rahon mein aa kar to dekho

taDapne pe mere na phir tum hansoge kabhi dil kisi se laga kar to dekho

wafaon ki hum se tawaqqo nahin hai magar ek bar aazma kar to dekho

zamane ko apna bana kar to dekha hamein bhi tum apna bana kar to dekho

KHuda ke liye chhoD do ab ye parda ki hain aaj hum tum nahin ghair koi

shab-e-wasl bhi hai hijab is qadar kyon zara ruKH se aanchal uTha kar to dekho

jafaen bahut kin bahut zulm Dhae kabhi ek nigah-e-karam is taraf bhi

hamesha hue dekh kar mujh ko barham kisi din zara muskura kar to dekho

jo ulfat mein har ek sitam hai gawara ye sab kuchh hai pas-e-wafa tum se warna

satate ho din-raat jis tarah mujh ko kisi ghair ko yun sata kar to dekho

agarche kisi baat par wo KHafa hain to achchha yahi hai tum apni si kar lo

wo manen na manen ye marzi hai un ki magar un ko 'purnam' mana kar to dekho