tu agar be-naqab ho jata

tū agar be-naqāb ho jaatā

to har ik faizyāb ho jaatā

taare sab māhtāb ho jaate

māhtāb āftāb ho jaatā

likhte dīvān meñ jo vasf-e-ruḳh

har varaq āftāb ho jaatā

tū batātā jo rāh-e-mai-ḳhāna

shaiḳh kār-e-savāb ho jaatā

imtihāñ lete haiñ vo maqtal meñ

pahle maiñ intiḳhāb ho jaatā

thī havā-e-ḳhudī bharī is meñ

kyuuñ na be-ḳhud habāb ho jaatā

jaag uThte nasīb āshiq ke

yaar agar mast-e-ḳhvāb ho jaatā

chain se sote farsh-e-rāhat par

jo ḳhayāl un kā ḳhvāb ho jaatā

shab-e-va.ada agar na aate aap

ḳhvāb bhī mujh ko ḳhvāb

kaash ai dard-e-ishq tere liye

dil mirā intiḳhāb ho jaatā

yārab us but ko shoḳhiyāñ ātīñ

duur us se hijāb ho jaatā

chaal chalte jo tum qayāmat kī

fitna hī ham-rikāb ho jaatā

apnā nāḳhun tarāshtā vo ḳhud

mah-e-nau kā javāb ho jaatā

jañg hotī adū se ai 'sābir'

aur maiñ fat.h-yāb ho jaatā

tu agar be-naqab ho jata

to har ek faizyab ho jata

tare sab mahtab ho jate

mahtab aaftab ho jata

likhte diwan mein jo wasf-e-ruKH

har waraq aaftab ho jata

tu batata jo rah-e-mai-KHana

shaiKH kar-e-sawab ho jata

imtihan lete hain wo maqtal mein

pahle main intiKHab ho jata

thi hawa-e-KHudi bhari is mein

kyun na be-KHud habab ho jata

jag uThte nasib aashiq ke

yar agar mast-e-KHwab ho jata

chain se sote farsh-e-rahat par

jo KHayal un ka KHwab ho jata

shab-e-wada agar na aate aap

KHwab bhi mujh ko KHwab

kash ai dard-e-ishq tere liye

dil mera intiKHab ho jata

yarab us but ko shoKHiyan aatin

dur us se hijab ho jata

chaal chalte jo tum qayamat ki

fitna hi ham-rikab ho jata

apna naKHun tarashta wo KHud

mah-e-nau ka jawab ho jata

jang hoti adu se ai 'sabir'

aur main fath-yab ho jata