tu agar KHak tak nahin aata

tū agar ḳhaak tak nahīñ aatā

maiñ tire chaak tak nahīñ aatā

chashm-e-namnāk tak nahīñ aatā

jo bhī idrāk tak nahīñ aatā

zahr tiryāk tak nahīñ aatā

gar ye ḳhurāk tak nahīñ aatā

ab bhī kīchaḌ kisī ke lahje kā

merī poshāk tak nahīñ aatā

jo ġhubār-e-safar hai rastoñ kā

baḌh ke aflāk tak nahīñ aatā

'ġhālib'-o-'mīr' paḌh rahā huuñ maiñ

so maiñ tiktok tak nahīñ aatā

tu agar KHak tak nahin aata

main tere chaak tak nahin aata

chashm-e-namnak tak nahin aata

jo bhi idrak tak nahin aata

zahr tiryak tak nahin aata

gar ye KHurak tak nahin aata

ab bhi kichaD kisi ke lahje ka

meri poshak tak nahin aata

jo ghubar-e-safar hai raston ka

baDh ke aflak tak nahin aata

'ghaalib'-o-'mir' paDh raha hun main

so main tiktok tak nahin aata