tu ai asir-e-makan la-makan se dur nahin
Interesting Fact
Baal-e-Gibril
tū ai asīr-e-makāñ lā-makāñ se duur nahīñ
vo jalva-gāh tire ḳhāk-dāñ se duur nahīñ
vo marġh-zār ki bīm-e-ḳhizāñ nahīñ jis meñ
ġhamīñ na ho ki tire āshiyāñ se duur nahīñ
ye hai ḳhulāsa-e-ilm-e-qalandarī ki hayāt
ḳhadañg-e-jasta hai lekin kamāñ se duur nahīñ
fazā tirī mah o parvīñ se hai zarā aage
qadam uThā ye maqām āsmāñ se duur nahīñ
kahe na rāh-numā se ki chhoḌ de mujh ko
ye baat rāh-rav-e-nukta-dāñ se duur nahīñ
tu ai asir-e-makan la-makan se dur nahin
wo jalwa-gah tere KHak-dan se dur nahin
wo margh-zar ki bim-e-KHizan nahin jis mein
ghamin na ho ki tere aashiyan se dur nahin
ye hai KHulasa-e-ilm-e-qalandari ki hayat
KHadang-e-jasta hai lekin kaman se dur nahin
faza teri mah o parwin se hai zara aage
qadam uTha ye maqam aasman se dur nahin
kahe na rah-numa se ki chhoD de mujh ko
ye baat rah-raw-e-nukta-dan se dur nahin
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
