tu asir-e-bazm hai ham-suKHan tujhe zauq-e-nala-e-nai nahin

tū asīr-e-bazm hai ham-suḳhan tujhe zauq-e-nāla-e-nai nahīñ

tirā dil gudāz ho kis tarah ye tire mizāj kī lai nahīñ

tirā har kamāl hai zāhirī tirā har ḳhayāl hai sarsarī

koī dil kī baat karūñ to kyā tire dil meñ aag to hai nahīñ

jise sun ke ruuh mahak uThe jise pī ke dard chahak uThe

tire saaz meñ vo sadā nahīñ tire mai-kade meñ vo mai nahīñ

kahāñ ab vo mausam-e-rañg-o-bū ki ragoñ meñ bol uThe lahū

yūñhī nāgavār chubhan sī hai ki jo shāmil-e-rag-o-pai nahīñ

tirā dil ho dard se āshnā to ye naala ġhaur se sun zarā

baḌā jāñ-gusil hai ye vāqi.a ye fasāna-e-jam-o-kai nahīñ

maiñ huuñ ek shā.ir-e-be-navā mujhe kaun chāhe mire sivā

maiñ amīr-e-shām-o-ajam nahīñ maiñ kabīr-e-kūfa-o-rai nahīñ

yahī sher haiñ mirī saltanat isī fan meñ hai mujhe āfiyat

mire kāsa-e-shab-o-roz meñ tire kaam kī koī shai nahīñ

tu asir-e-bazm hai ham-suKHan tujhe zauq-e-nala-e-nai nahin

tera dil gudaz ho kis tarah ye tere mizaj ki lai nahin

tera har kamal hai zahiri tera har KHayal hai sarsari

koi dil ki baat karun to kya tere dil mein aag to hai nahin

jise sun ke ruh mahak uThe jise pi ke dard chahak uThe

tere saz mein wo sada nahin tere mai-kade mein wo mai nahin

kahan ab wo mausam-e-rang-o-bu ki ragon mein bol uThe lahu

yunhi nagawar chubhan si hai ki jo shamil-e-rag-o-pai nahin

tera dil ho dard se aashna to ye nala ghaur se sun zara

baDa jaan-gusil hai ye waqia ye fasana-e-jam-o-kai nahin

main hun ek shair-e-be-nawa mujhe kaun chahe mere siwa

main amir-e-sham-o-ajam nahin main kabir-e-kufa-o-rai nahin

yahi sher hain meri saltanat isi fan mein hai mujhe aafiyat

mere kasa-e-shab-o-roz mein tere kaam ki koi shai nahin