tu baaton mein bigaD jata hai mujhse
tū bātoñ meñ bigaḌ jaatā hai mujh se
parā.ī pach pe laḌ jaatā hai mujh se
ye kyā kaj-kāviyāñ aur TeḌhiyāñ haiñ
ki tap tap ko jhagaḌ jaatā hai mujh se
hamesha maash kā aaTā sā kyuuñ tū
zarī bhar meñ akaḌ jaatā hai mujh se
burā hai ishq kā āzār yaaro
ye aksar vaqt aḌ jaatā hai mujh se
tabābat meñ masīhā huuñ va-lekin
maraz ye to chapaḌ jaatā hai mujh se
hai jaanī tujh meñ sab ḳhūbī pa jaañ sā
tū ik dam meñ bichhaḌ jaatā hai mujh se
hai dushman man-chalā par 'azfarī' dekh
nazar paḌte sañkaḌ jaatā hai mujh se
tu baaton mein bigaD jata hai mujh se
parai pach pe laD jata hai mujh se
ye kya kaj-kawiyan aur TeDhiyan hain
ki tap tap ko jhagaD jata hai mujh se
hamesha mash ka aaTa sa kyun tu
zari bhar mein akaD jata hai mujh se
bura hai ishq ka aazar yaro
ye aksar waqt aD jata hai mujh se
tababat mein masiha hun wa-lekin
maraz ye to chapaD jata hai mujh se
hai jaani tujh mein sab KHubi pa jaan sa
tu ek dam mein bichhaD jata hai mujh se
hai dushman man-chala par 'azfari' dekh
nazar paDte sankaD jata hai mujh se
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
