tu be-naqab hai ai mah ye hain sharab ke din

tū be-naqāb hai ai mah ye haiñ sharāb ke din

ki māhtāb kī rāteñ haiñ āftāb ke din

javān tū bhī hai apne bhī haiñ shabāb ke din

bilā hisāb de bose nahīñ hisāb ke din

huā safed tirī intizār meñ āḳhir

ajab tarah se phire dīda-e-pur-āb ke din

tire laboñ se hai rū-kash ajab tarah ke haiñ mast

lage haiñ din use kyūñ-kar phireñ sharāb ke din

qarār ye thā ki itvār ke din ā.ūñgā

kahā thā maiñ ne ga.e mere iztirāb ke din

huā do-chand alam aah roz-e-yak-shamba

vo āftāb mirā aayā āftāb ke din

vo zulf mujh pe hai be-vaj.h rāt-din barham

kisī tarah se na baḌhtī nahīñ itaab ke din

jigar se sho.ale nikalte haiñ chashm se aañsū

is āb-o-tāb se kaTte pech-o-tāb ke din

na jaao shaiḳh jī aao qarīb hai holī

ḳhafā na ho ki chale aate haiñ ḳhitāb ke din

pilā.ī mai ramazāñ meñ na mujh ko ai saaqī

baḌe azaab se kaTte haiñ ye savāb ke din

azāb-e-hijr bhī dozaḳh se kam nahīñ 'ehsāñ'

ilāhī mujh ko na dikhlā.īyo azaab ke din

tu be-naqab hai ai mah ye hain sharab ke din

ki mahtab ki raaten hain aaftab ke din

jawan tu bhi hai apne bhi hain shabab ke din

bila hisab de bose nahin hisab ke din

hua safed teri intizar mein aaKHir

ajab tarah se phire dida-e-pur-ab ke din

tere labon se hai ru-kash ajab tarah ke hain mast

lage hain din use kyun-kar phiren sharab ke din

qarar ye tha ki itwar ke din aaunga

kaha tha main ne gae mere iztirab ke din

hua do-chand alam aah roz-e-yak-shamba

wo aaftab mera aaya aaftab ke din

wo zulf mujh pe hai be-wajh raat-din barham

kisi tarah se na baDhti nahin itab ke din

jigar se shoale nikalte hain chashm se aansu

is aab-o-tab se kaTte pech-o-tab ke din

na jao shaiKH ji aao qarib hai holi

KHafa na ho ki chale aate hain KHitab ke din

pilai mai ramazan mein na mujh ko ai saqi

baDe azab se kaTte hain ye sawab ke din

azab-e-hijr bhi dozaKH se kam nahin 'ehsan'

ilahi mujh ko na dikhlaiyo azab ke din