tu bhi chup hai main bhi chup hun ye kaisi tanhai hai

Jaun Eliya

tu bhi chup hai main bhi chup hun ye kaisi tanhai hai

Jaun Eliya

MORE BY Jaun Eliya

    bhī chup hai maiñ bhī chup huuñ ye kaisī tanhā.ī hai

    tere saath tirī yaad aa.ī kyā sach-much aa.ī hai

    shāyad vo din pahlā din thā palkeñ bojhal hone

    mujh ko dekhte jab us añgḌā.ī sharmā.ī hai

    us din pahlī baar huā thā mujh ko rifāqat ehsās

    jab us ke malbūs ḳhushbū ghar pahuñchāne aa.ī hai

    husn se arz-e-shauq na karnā husn ko zak pahuñchānā hai

    ham ne arz-e-shauq na kar ke husn ko zak pahuñchā.ī hai

    ham ko aur to kuchh nahīñ sūjhā albatta us ke dil meñ

    soz-e-raqābat paidā kar ke us niiñd uḌaa.ī hai

    ham donoñ mil kar bhī diloñ tanhā.ī meñ bhaTkeñge

    pāgal kuchh to soch ye ne kaisī shakl banā.ī hai

    ishq-e-pechāñ sandal par jaane kis din bel chaḌhe

    kyārī meñ paanī Thahrā hai dīvāroñ par kaa.ī hai

    husn ke jaane kitne chehre husn ke jaane kitne naam

    ishq pesha husn-parastī ishq baḌā harjā.ī hai

    aaj bahut din ba.ad maiñ apne kamre tak aa niklā thā

    juuñ darvāza kholā hai us ḳhushbū aa.ī hai

    ek to itnā habs hai phir maiñ sāñseñ roke baiThā huuñ

    vīrānī ne jhāḌū de ke ghar meñ dhuul uḌaa.ī hai

    tu bhi chup hai main bhi chup hun ye kaisi tanhai hai

    tere sath teri yaad aai kya tu sach-much aai hai

    shayad wo din pahla din tha palken bojhal hone ka

    mujh ko dekhte hi jab us ki angDai sharmai hai

    us din pahli bar hua tha mujh ko rifaqat ka ehsas

    jab us ke malbus ki KHushbu ghar pahunchane aai hai

    husn se arz-e-shauq na karna husn ko zak pahunchana hai

    hum ne arz-e-shauq na kar ke husn ko zak pahunchai hai

    hum ko aur to kuchh nahin sujha albatta us ke dil mein

    soz-e-raqabat paida kar ke us ki nind uDai hai

    hum donon mil kar bhi dilon ki tanhai mein bhaTkenge

    pagal kuchh to soch ye tu ne kaisi shakl banai hai

    ishq-e-pechan ki sandal par jaane kis din bel chaDhe

    kyari mein pani Thahra hai diwaron par kai hai

    husn ke jaane kitne chehre husn ke jaane kitne nam

    ishq ka pesha husn-parasti ishq baDa harjai hai

    aaj bahut din baad main apne kamre tak aa nikla tha

    jun hi darwaza khola hai us ki KHushbu aai hai

    ek to itna habs hai phir main sansen roke baiTha hun

    virani ne jhaDu de ke ghar mein dhul uDai hai

    Source:

    • Book : shayad (Pg. 111)

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY