tu dua kar ki mere dil se tera gham nikle
tū du'ā kar ki mire dil se tirā ġham nikle
is se pahle ki mirī jaan mirā dam nikle
baḳhsh detā vo ḳhatā ḳhuld meñ rahne detā
par ḳhudā ne yahī chāhā thā ki aadam nikle
ham samajhte rahe jis shaḳhs ko mahram apnā
kyā sitam hai vo kisī aur kā mahram nikle
hazrat-e-majnūñ jo ik baar ba-nām-e-lailā
eḌiyāñ ragḌe agar dasht meñ zamzam nikle
jin ko aatā hī nahīñ thā kabhī ronā vo bhī
un ke kūche se jūñhī nikle to pur-nam nikle
ek to ġhair se the un ke marāsim us par
silsile un ke marāsim ke bhī paiham nikle
tu du'a kar ki mere dil se tera gham nikle
is se pahle ki meri jaan mera dam nikle
baKHsh deta wo KHata KHuld mein rahne deta
par KHuda ne yahi chaha tha ki aadam nikle
hum samajhte rahe jis shaKHs ko mahram apna
kya sitam hai wo kisi aur ka mahram nikle
hazrat-e-majnun jo ek bar ba-nam-e-laila
eDiyan ragDe agar dasht mein zamzam nikle
jin ko aata hi nahin tha kabhi rona wo bhi
un ke kuche se junhi nikle to pur-nam nikle
ek to ghair se the un ke marasim us par
silsile un ke marasim ke bhi paiham nikle
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
