tu ek qadam bhi jo meri taraf baDha deta

tū ik qadam bhī jo merī taraf baḌhā detā

maiñ manzileñ tirī dahlīz se milā detā

ḳhabar to detā mujhe mujh ko chhoḌ jaane kī

maiñ vāpsī kā tujhe rāsta batā detā

mujhe to rahnā thā āḳhir had-e-ta.ayyun meñ

vo paas aatā to maiñ fāsla baḌhā detā

ham ek the to hameñ be-sadā hī rahnā thā

pukārtā vo kise maiñ kise sadā detā

vo ḳhvāb dekh rahī thiiñ ye jāgtī āñkheñ

charāġh ḳhud nahīñ bujhtā to maiñ bujhā detā

havā ke ruḳh pe mirā gaañv hī na thā varna

jo muTThiyoñ meñ bharī thī vo ḳhaak uḌā detā

tu ek qadam bhi jo meri taraf baDha deta

main manzilen teri dahliz se mila deta

KHabar to deta mujhe mujh ko chhoD jaane ki

main wapsi ka tujhe rasta bata deta

mujhe to rahna tha aaKHir had-e-tayyun mein

wo pas aata to main fasla baDha deta

hum ek the to hamein be-sada hi rahna tha

pukarta wo kise main kise sada deta

wo KHwab dekh rahi thin ye jagti aankhen

charagh KHud nahin bujhta to main bujha deta

hawa ke ruKH pe mera ganw hi na tha warna

jo muTThiyon mein bhari thi wo KHak uDa deta