tu jo chahe bhi to sayyaad nahin hone ke

tū jo chāhe bhī to sayyād nahīñ hone ke

lab hamāre lab-e-fariyād nahīñ hone ke

us ke kūche meñ miyāñ ḳhaak uḌāte kyuuñ ho

tum se majnūñ to use yaad nahīñ hone ke

koī achchhī bhī ḳhabar kaan meñ aa.e yārab

aisī ḳhabroñ se to dil shaad nahīñ hone ke

tū rahe ham se ḳhafā kitnā hī chāhe lekin

ham magar tujh se to nāshād nahīñ hone ke

kār-e-duniyā ko haiñ darkār hamārī umreñ

kār-e-duniyā se to āzād nahīñ hone ke

an-ginat jāgte chehre ga.e miTTī ke tale

ab na.e zulm to ījād nahīñ hone ke

tā-qayāmat vahī ik naam rahegā ābād

ham kabhī mustaqil ābād nahīñ hone ke

ḳhaak ho jā.eñge ye to hai muqaddar apnā

ham magar vo haiñ ki barbād nahīñ hone ke

chāhe namrūd ho fir.aun ho yā ki ho yazīd

sāhab-e-shajra-o-aulād nahīñ hone ke

tu jo chahe bhi to sayyaad nahin hone ke

lab hamare lab-e-fariyaad nahin hone ke

us ke kuche mein miyan KHak uDate kyun ho

tum se majnun to use yaad nahin hone ke

koi achchhi bhi KHabar kan mein aae yarab

aisi KHabron se to dil shad nahin hone ke

tu rahe hum se KHafa kitna hi chahe lekin

hum magar tujh se to nashad nahin hone ke

kar-e-duniya ko hain darkar hamari umren

kar-e-duniya se to aazad nahin hone ke

an-ginat jagte chehre gae miTTi ke tale

ab nae zulm to ijad nahin hone ke

ta-qayamat wahi ek nam rahega aabaad

hum kabhi mustaqil aabaad nahin hone ke

KHak ho jaenge ye to hai muqaddar apna

hum magar wo hain ki barbaad nahin hone ke

chahe namrud ho firaun ho ya ki ho yazid

sahab-e-shajra-o-aulad nahin hone ke