tu kare jo faisla aaj kar meri baat sun tu abhi na ja

tū kare jo faisla aaj kar mirī baat sun tū abhī na jā

mire dard-e-dil kā ilaaj kar mirī baat sun tū abhī na jā

abhī jaane jaane kī zid na kar yahāñ rūThā rūThā hai saarā ghar

kabhī ḳhush to merā mizāj kar mirī baat sun tū abhī na jā

maiñ marīz huuñ tire hijr kā zarā haath meñ mirā haath le

tū ġhamoñ kā mere ilaaj kar mirī baat sun tū abhī na jā

basī rang-o-nūr meñ zindagī hai javān shab to fazā hasīñ

mire jān-o-dil pe tū raaj kar mirī baat sun tū abhī na jā

tū chhalakte ashkoñ ko dekh le zarā sun le ye mirā hāl-e-dil

yuuñ na saḳht apnā mizāj kar mirī baat sun tū abhī na jā

kyā hasīn rāhguzar hai ye baḌī lazzatoñ kā safar hai ye

na ḳhayāl-e-taḳhta-o-tāj kar mirī baat sun tū abhī na jā

ye duā hai 'arpit'-e-ḳhās kī zarā dekh le zarā soch le

tū zarā zamāne kī laaj kar mirī baat sun tū abhī na jā

tu kare jo faisla aaj kar meri baat sun tu abhi na ja

mere dard-e-dil ka ilaj kar meri baat sun tu abhi na ja

abhi jaane jaane ki zid na kar yahan ruTha ruTha hai sara ghar

kabhi KHush to mera mizaj kar meri baat sun tu abhi na ja

main mariz hun tere hijr ka zara hath mein mera hath le

tu ghamon ka mere ilaj kar meri baat sun tu abhi na ja

basi rang-o-nur mein zindagi hai jawan shab to faza hasin

mere jaan-o-dil pe tu raj kar meri baat sun tu abhi na ja

tu chhalakte ashkon ko dekh le zara sun le ye mera haal-e-dil

yun na saKHt apna mizaj kar meri baat sun tu abhi na ja

kya hasin rahguzar hai ye baDi lazzaton ka safar hai ye

na KHayal-e-taKHta-o-taj kar meri baat sun tu abhi na ja

ye dua hai 'arpit'-e-KHas ki zara dekh le zara soch le

tu zara zamane ki laj kar meri baat sun tu abhi na ja