tu nahin hai to zindagi hai udas

tū nahīñ hai to zindagī hai udaas

har taraf hai muhīt zulmat-o-yās

vo musāfir qarīb-e-manzil hai

kho chukā hai jo apne hosh-o-havās

utre utre malūl chehroñ par

bikhrā bikhrā sā rañg-e-ālam-e-yās

chheḌ do phir koī tarāna-e-ġham

TuuT jaa.e na zindagī kī aas

maut bhī to use nahīñ aatī

ho chukā hai jo zindagī se udaas

ḳhāmoshī kā sabab kuchh aur hī hai

varna dil meñ na ḳhauf hai na hirās

ab ye 'parvez' dil kā aalam hai

koī ummīd hai na koī aas

tu nahin hai to zindagi hai udas

har taraf hai muhit zulmat-o-yas

wo musafir qarib-e-manzil hai

kho chuka hai jo apne hosh-o-hawas

utre utre malul chehron par

bikhra bikhra sa rang-e-alam-e-yas

chheD do phir koi tarana-e-gham

TuT jae na zindagi ki aas

maut bhi to use nahin aati

ho chuka hai jo zindagi se udas

KHamoshi ka sabab kuchh aur hi hai

warna dil mein na KHauf hai na hiras

ab ye 'parwez' dil ka aalam hai

koi ummid hai na koi aas