tu ne apna jalwa dikhane ko jo naqab munh se uTha diya

tū ne apnā jalva dikhāne ko jo naqāb muñh se uThā diyā

vahīñ mahv-e-hairat-e-be-ḳhudī mujhe aa.ina sā banā diyā

vo jo naqsh-e-pā kī tarah rahī thī numūd apne vajūd kī

so kashish ne dāman-e-nāz kī use bhī zamīñ se miTā diyā

rag-o-pai meñ aag bhaḌak uThī phuñke hai paḌā ye sabhī badan

mujhe sāqiyā mai-e-ātishīñ kā ye jaam kaisā pilā diyā

jabhī jā ke maktab-e-ishq meñ sabaq-e-maqām-e-fanā liyā

jo likhā paḌhā thā 'niyāz' ne so vo saaf dil se bhulā diyā

tu ne apna jalwa dikhane ko jo naqab munh se uTha diya

wahin mahw-e-hairat-e-be-KHudi mujhe aaina sa bana diya

wo jo naqsh-e-pa ki tarah rahi thi numud apne wajud ki

so kashish ne daman-e-naz ki use bhi zamin se miTa diya

rag-o-pai mein aag bhaDak uThi phunke hai paDa ye sabhi badan

mujhe saqiya mai-e-atishin ka ye jam kaisa pila diya

jabhi ja ke maktab-e-ishq mein sabaq-e-maqam-e-fana liya

jo likha paDha tha 'niyaz' ne so wo saf dil se bhula diya