tu ne apna na banaya to koi baat nahin

tū ne apnā na banāyā to koī baat nahīñ

dil ko ham se na lagāyā to koī baat nahīñ

ham to hamrāz the tere hī sadā se jānāñ

haal dil kā na sunāyā to koī baat nahīñ

ham to āshiq the tire barsoñ purāne jānam

ham ko ḳhvāboñ meñ satāyā to koī baat nahīñ

ham taraste hī rahe diid ko terī har pal

tū ne va.ada na nibhāyā to koī baat nahīñ

jaan dete haiñ mohabbat meñ sanam dil vaale

tū ne ham ko na manāyā to koī baat nahīñ

tu ne apna na banaya to koi baat nahin

dil ko hum se na lagaya to koi baat nahin

hum to hamraaz the tere hi sada se jaanan

haal dil ka na sunaya to koi baat nahin

hum to aashiq the tere barson purane jaanam

hum ko KHwabon mein sataya to koi baat nahin

hum taraste hi rahe did ko teri har pal

tu ne wada na nibhaya to koi baat nahin

jaan dete hain mohabbat mein sanam dil wale

tu ne hum ko na manaya to koi baat nahin