tu tishnagi ki aziyyat kabhi furaat se puchh
tū tishnagī kī aziyyat kabhī furāt se pūchh
añdherī raat kī hasrat añdherī raat se pūchh
guzar rahī hai jo dil par vahī haqīqat hai
ġham-e-jahāñ kā fasāna ġham-e-hayāt se pūchh
maiñ apne aap meñ baiThā huuñ be-ḳhabar to nahīñ
nahīñ hai koī ta.alluq to apnī zaat se pūchh
dukhī hai shahr ke logoñ se bad-mizāj bahut
jo pūchhnā hai mohabbat se ehtiyāt se pūchh
tū apnī zaat ke andar bhī jhāñk le 'sāhil'
zamīñ kā bhed kisī roz kā.enāt se pūchh
tu tishnagi ki aziyyat kabhi furaat se puchh
andheri raat ki hasrat andheri raat se puchh
guzar rahi hai jo dil par wahi haqiqat hai
gham-e-jahan ka fasana gham-e-hayat se puchh
main apne aap mein baiTha hun be-KHabar to nahin
nahin hai koi talluq to apni zat se puchh
dukhi hai shahr ke logon se bad-mizaj bahut
jo puchhna hai mohabbat se ehtiyat se puchh
tu apni zat ke andar bhi jhank le 'sahil'
zamin ka bhed kisi roz kaenat se puchh
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
