TuTe hue peD gin raha hun

TuuTe hue peḌ gin rahā huuñ

maiñ apne paroñ ko dekhtā huuñ

lab-basta huuñ phir bhī boltā huuñ

yaar ḳhud se nabard-āzmā huuñ

bastī koī rah na jaa.e baaqī

dar dar pe sadā lagā chukā huuñ

hoñToñ pe sukūt ḳhāmushī hai

lamhoñ ke hisār meñ ghirā huuñ

raste haiñ tamām aTe aTe se

maiñ kaise kahūñ gurez-pā huuñ

ai nahr-e-furāt de gavāhī

pyāsoñ kā ḳhirāj māñgtā huuñ

shāyad koī shahsavār nikle

sahrā pe kamand Dāltā huuñ

ḳhud par yaqīn uTh chalā hai

ab raat Dhalī to so gayā huuñ

TuTe hue peD gin raha hun

main apne paron ko dekhta hun

lab-basta hun phir bhi bolta hun

yar KHud se nabard-azma hun

basti koi rah na jae baqi

dar dar pe sada laga chuka hun

honTon pe sukut KHamushi hai

lamhon ke hisar mein ghira hun

raste hain tamam aTe aTe se

main kaise kahun gurez-pa hun

ai nahr-e-furaat de gawahi

pyason ka KHiraj mangta hun

shayad koi shahsawar nikle

sahra pe kamand Dalta hun

KHud par yaqin uTh chala hai

ab raat Dhali to so gaya hun