TuTi hui diwar ka saya to nahin hun

TuuTī huī dīvār kā saaya to nahīñ huuñ

maiñ terā hī bhūlā huā va.ada to nahīñ huuñ

guzrā thā dabe paañv jahāñ se tū shab-e-māh

maiñ hī vo tirā bāġh-e-tamannā to nahīñ huuñ

jis naqsh pe chalne kī qasam khātī hai duniyā

maiñ hī vo tirā naqsh-e-kaf-e-pā to nahīñ huuñ

auroñ se mirā naam ulajhtā hai to uljhe

shikva tujhe kyuuñ ho ki maiñ terā to nahīñ huuñ

kyuuñ ḳhud ko na chāhūñ ki tirā dil to nahīñ maiñ

kyuuñ ḳhud ko bhulā duuñ ki zamāna to nahīñ huuñ

tū merī zarūrat mirī aadat to nahīñ hai

mahtāb-e-zamīñ meñ tirā haala to nahīñ huuñ

bāġhoñ se uḌaa.ī huī ḳhushbū hī sahī tū

maiñ nik.hat-e-be-bāk kā parda to nahīñ huuñ

maiñ aks-e-gurezāñ to nahīñ apnī anā kā

maiñ terā hī TuuTā huā rishta to nahīñ huuñ

maiñ āḳhirī jaadū to nahīñ sāhir-e-shab kā

sahmā huā maiñ sub.h kā taarā to nahīñ huuñ

TuTi hui diwar ka saya to nahin hun

main tera hi bhula hua wada to nahin hun

guzra tha dabe panw jahan se tu shab-e-mah

main hi wo tera bagh-e-tamanna to nahin hun

jis naqsh pe chalne ki qasam khati hai duniya

main hi wo tera naqsh-e-kaf-e-pa to nahin hun

auron se mera nam ulajhta hai to uljhe

shikwa tujhe kyun ho ki main tera to nahin hun

kyun KHud ko na chahun ki tera dil to nahin main

kyun KHud ko bhula dun ki zamana to nahin hun

tu meri zarurat meri aadat to nahin hai

mahtab-e-zamin mein tera haala to nahin hun

baghon se uDai hui KHushbu hi sahi tu

main nikhat-e-be-bak ka parda to nahin hun

main aks-e-gurezan to nahin apni ana ka

main tera hi TuTa hua rishta to nahin hun

main aaKHiri jadu to nahin sahir-e-shab ka

sahma hua main subh ka tara to nahin hun