udas bas aadatan hun kuchh bhi hua nahin hai

udaas bas ādatan huuñ kuchh bhī huā nahīñ hai

yaqīn maano kisī se koī gila nahīñ hai

adheḌ kar sī rahā huuñ barsoñ se apnī parteñ

natījatan DhūñDne ko ab kuchh bachā nahīñ hai

zarā ye dil kī umiid dekho yaqīn dekho

maiñ aise ma.asūm se ye kah duuñ ḳhudā nahīñ hai

maiñ apnī miTTī se apne logoñ se kaT gayā huuñ

yaqīnan is se baḌā koī sāneha nahīñ hai

to kyā kabhī mil sakeñge yā baat ho sakegī

nahīñ nahīñ jaao tum koī mas.ala nahīñ hai

vo raaz siine meñ rakh ke bhejā gayā thā mujh ko

vahī jo ik raaz mujh pe ab tak khulā nahīñ hai

maiñ buġhz nafrat hasad mohabbat ke saath rakhūñ

nahīñ miyāñ mere dil meñ itnī jagah nahīñ hai

chahār jānib ye be-yaqīnī kā ghup añdherā

ye merī vahshat kā inḳhilā hai ḳhalā nahīñ hai

usī kī ḳhushbū se aaj tak maiñ mahak rahā huuñ

vo mujh se bichhḌā huā hai lekin judā nahīñ hai

likhā huā hai tumhāre chehre pe ġham tumhārā

hamārī hālat bhī aisī be-mājrā nahīñ hai

ye tāza-kārī hai tarz-e-ehsās kā karishma

mire luġhat meñ to lafz koī nayā nahīñ hai

nayā hunar siikh fī-zamāna ho jis kī vaq.at

suḳhan kī nisbat se ab koī pūchhtā nahīñ hai

jise ho 'irfān'-e-zāt vo kyā tirī sunegā

o nāsehā chhoḌ de koī fā.eda nahīñ hai

udas bas aadatan hun kuchh bhi hua nahin hai

yaqin mano kisi se koi gila nahin hai

adheD kar si raha hun barson se apni parten

natijatan DhunDne ko ab kuchh bacha nahin hai

zara ye dil ki umid dekho yaqin dekho

main aise masum se ye kah dun KHuda nahin hai

main apni miTTi se apne logon se kaT gaya hun

yaqinan is se baDa koi saneha nahin hai

to kya kabhi mil sakenge ya baat ho sakegi

nahin nahin jao tum koi masala nahin hai

wo raaz sine mein rakh ke bheja gaya tha mujh ko

wahi jo ek raaz mujh pe ab tak khula nahin hai

main bughz nafrat hasad mohabbat ke sath rakhun

nahin miyan mere dil mein itni jagah nahin hai

chahaar jaanib ye be-yaqini ka ghup andhera

ye meri wahshat ka inKHila hai KHala nahin hai

usi ki KHushbu se aaj tak main mahak raha hun

wo mujh se bichhDa hua hai lekin juda nahin hai

likha hua hai tumhaare chehre pe gham tumhaara

hamari haalat bhi aisi be-majra nahin hai

ye taza-kari hai tarz-e-ehsas ka karishma

mere lughat mein to lafz koi naya nahin hai

naya hunar sikh fi-zamana ho jis ki waqat

suKHan ki nisbat se ab koi puchhta nahin hai

jise ho 'irfan'-e-zat wo kya teri sunega

o naseha chhoD de koi faeda nahin hai