udas kaghzi mausam mein rang o bu rakh de
udaas kāġhzī mausam meñ rañg o bū rakh de
har ek phuul ke lab par mirā lahū rakh de
zabān-e-gul se chaTāneñ tarāshne vaale
nigār o naqsh meñ āsā.ish-e-numū rakh de
sunā hai ahl-e-ḳhirad phir chaman sajā.enge
junūñ bhī jeb o garebāñ pa-e-rafū rakh de
shafaq hai phuul hai dīpak hai chāñd bhī hai magar
unhīñ ke saath kahīñ sāġhar o subū rakh de
chalā hai jānib-e-mai-ḳhāna aaj phir vaa.iz
kahīñ na jaam pe lab apne be-vazū rakh de
tamām shahr ko apnī taraf jhukā lūñgā
ġham-e-habīb mire sar pe haath tū rakh de
girāñ lage hai jo ehsān dast-e-qātil kā
uTh aur teġh ke lab par rag-e-gulū rakh de
ḳhudā kare mirā munsif sazā sunāne par
mirā hī sar mire qātil ke rū-ba-rū rakh de
samundaroñ ne bulāyā hai tujh ko ai 'bekal'
tū apnī pyaas kī sahrā meñ aabrū rakh de
udas kaghzi mausam mein rang o bu rakh de
har ek phul ke lab par mera lahu rakh de
zaban-e-gul se chaTanen tarashne wale
nigar o naqsh mein aasaish-e-numu rakh de
suna hai ahl-e-KHirad phir chaman sajaenge
junun bhi jeb o gareban pa-e-rafu rakh de
shafaq hai phul hai dipak hai chand bhi hai magar
unhin ke sath kahin saghar o subu rakh de
chala hai jaanib-e-mai-KHana aaj phir waiz
kahin na jam pe lab apne be-wazu rakh de
tamam shahr ko apni taraf jhuka lunga
gham-e-habib mere sar pe hath tu rakh de
giran lage hai jo ehsan dast-e-qatil ka
uTh aur tegh ke lab par rag-e-gulu rakh de
KHuda kare mera munsif saza sunane par
mera hi sar mere qatil ke ru-ba-ru rakh de
samundaron ne bulaya hai tujh ko ai 'bekal'
tu apni pyas ki sahra mein aabru rakh de
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
