udas naina jo baraste hain sahab ki tarah

udaas nainā jo baraste haiñ sahāb kī tarah

to ġham ke phuul bhī mahakte haiñ gulāb kī tarah

laraz laraz ke aise yaad aate haiñ vo guzre din

ki nafs nafs jhanjhanātā hai rabāb kī tarah

ye duniyā ke nazāre yādeñ ḳhvāb ishq zindagī

lubhāte haiñ yahāñ pe sab ke sab sarāb kī tarah

jahāñ ke zulm sahte sahte fāḳhta bhī bārhā

aqab se panje mārtī hai phir uqaab kī tarah

jahān-e-husn kā yahī huā hai hashr har dafa

ki chaar din meñ ye ghaTā hai māhtāb kī tarah

zabāñ pe jab bhī aah ban ke aarzū machaltī hai

to dard siina meñ ubhartā hai habāb kī tarah

pilā de jaam sāqiyā ki raat aane vaalī hai

hameñ fulāñ kī yaad aa.ī phir azaab kī tarah

udas naina jo baraste hain sahab ki tarah

to gham ke phul bhi mahakte hain gulab ki tarah

laraz laraz ke aise yaad aate hain wo guzre din

ki nafs nafs jhanjhanata hai rabab ki tarah

ye duniya ke nazare yaaden KHwab ishq zindagi

lubhate hain yahan pe sab ke sab sarab ki tarah

jahan ke zulm sahte sahte faKHta bhi barha

aqab se panje marti hai phir uqab ki tarah

jahan-e-husn ka yahi hua hai hashr har dafa

ki chaar din mein ye ghaTa hai mahtab ki tarah

zaban pe jab bhi aah ban ke aarzu machalti hai

to dard sina mein ubharta hai habab ki tarah

pila de jam saqiya ki raat aane wali hai

hamein fulan ki yaad aai phir azab ki tarah