udasi ek asiri hai udasi se ghira hun main

udāsī ik asīrī hai udāsī se ghirā huuñ maiñ

udāsī hī udāsī hai udāsī se ghirā huuñ meñ

udāsī aur udāsī aur udāsī aur udāsī bas

udāsī mujh pe haavī hai udāsī se ghirā huuñ maiñ

yaqīñ terā thā bas mujh ko ḳhudārā kyoñ karūñ maiñ ab

tirī hastī ḳhayālī hai udāsī se ghirā huuñ maiñ

bhaTaktā dar-ba-dar rahtā huuñ maiñ vahshat ke saa.e meñ

mirī murda javānī hai udāsī se ghirā huuñ maiñ

parastish kar rahā huuñ āj-kal maiñ bas udāsī kī

udāsī jāvedānī hai udāsī se ghirā huuñ maiñ

halāk-e-ishq huuñ yāroñ mujhe maarā mohabbat ne

mirī ġhamgīñ kahānī hai udāsī se ghirā huuñ maiñ

ta.alluq hai siyāsat kā yahāñ har baat se 'hāmid'

udāsī bhī siyāsī hai udāsī se ghirā huuñ maiñ

udasi ek asiri hai udasi se ghira hun main

udasi hi udasi hai udasi se ghira hun mein

udasi aur udasi aur udasi aur udasi bas

udasi mujh pe hawi hai udasi se ghira hun main

yaqin tera tha bas mujh ko KHudara kyon karun main ab

teri hasti KHayali hai udasi se ghira hun main

bhaTakta dar-ba-dar rahta hun main wahshat ke sae mein

meri murda jawani hai udasi se ghira hun main

parastish kar raha hun aaj-kal main bas udasi ki

udasi jawedani hai udasi se ghira hun main

halak-e-ishq hun yaron mujhe mara mohabbat ne

meri ghamgin kahani hai udasi se ghira hun main

talluq hai siyasat ka yahan har baat se 'hamid'

udasi bhi siyasi hai udasi se ghira hun main