udasi ke manzar makanon mein hain
udāsī ke manzar makānoñ meñ haiñ
añdhere abhī āshiyānoñ meñ haiñ
mohabbat ko mausam ne āvāz dī
diloñ kī patañgeñ uḌānoñ meñ haiñ
zabāñ vaale bhī kaash samjheñ kabhī
vo dukh dard jo be-zabānoñ meñ haiñ
parindoñ kī parvāz qaa.em rahe
ka.ī ḳhvāb shāmil uḌānoñ meñ haiñ
kahāñ manzileñ gum pata hī nahīñ
nigāheñ magar āsmānoñ meñ haiñ
gharoñ meñ haiñ mahrūmiyoñ ke nishāñ
ki ab raunaqeñ bas dukānoñ meñ haiñ
udasi ke manzar makanon mein hain
andhere abhi aashiyanon mein hain
mohabbat ko mausam ne aawaz di
dilon ki patangen uDanon mein hain
zaban wale bhi kash samjhen kabhi
wo dukh dard jo be-zabanon mein hain
parindon ki parwaz qaem rahe
kai KHwab shamil uDanon mein hain
kahan manzilen gum pata hi nahin
nigahen magar aasmanon mein hain
gharon mein hain mahrumiyon ke nishan
ki ab raunaqen bas dukanon mein hain
- Book : Mujalla Dastavez (Pg. 646)
- Author : Aziz Nabeel
- Publication : Edarah Dastavez (2013-14)
- Edition : 2013-14
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
