udasiyon ne meri aatma ko ghera hai

udāsiyoñ ne mirī aatmā ko gherā hai

rū-pahlī chāñdnī hai aur ghup añdherā hai

kahīñ kahīñ koī taara kahīñ kahīñ jugnū

jo merī raat thī vo aap kā saverā hai

qadam qadam pe bagūloñ ko toḌte jaa.eñ

idhar se guzregā tū rāsta ye terā hai

ufuq ke paar jo dekhī hai raushnī tum ne

vo raushnī hai ḳhudā jaane yā añdherā hai

sahar se shaam huī shaam ko ye raat milī

har ek rañg samay kā bahut ghanerā hai

ḳhudā ke vāste ġham ko bhī tum na bahlāo

ise to rahne do merā yahī to merā hai

udasiyon ne meri aatma ko ghera hai

ru-pahli chandni hai aur ghup andhera hai

kahin kahin koi tara kahin kahin jugnu

jo meri raat thi wo aap ka sawera hai

qadam qadam pe bagulon ko toDte jaen

idhar se guzrega tu rasta ye tera hai

ufuq ke par jo dekhi hai raushni tum ne

wo raushni hai KHuda jaane ya andhera hai

sahar se sham hui sham ko ye raat mili

har ek rang samay ka bahut ghanera hai

KHuda ke waste gham ko bhi tum na bahlao

ise to rahne do mera yahi to mera hai