ufuq agarche pighalta dikhai paDta hai
ufuq agarche pighaltā dikhā.ī paḌtā hai
mujhe to duur saverā dikhā.ī paḌtā hai
hamāre shahr meñ be-chehra log baste haiñ
kabhī kabhī koī chehra dikhā.ī paḌtā hai
chalo ki apnī mohabbat sabhī ko baañT aa.eñ
har ek pyaar kā bhūkā dikhā.ī paḌtā hai
jo apnī zaat se ik anjuman kahā jaa.e
vo shaḳhs tak mujhe tanhā dikhā.ī paḌtā hai
na koī ḳhvāb na koī ḳhalish na koī ḳhumār
ye aadmī to adhūrā dikhā.ī paḌtā hai
lachak rahī haiñ shuāoñ kī sīḌhiyāñ paiham
falak se koī utartā dikhā.ī paḌtā hai
chamaktī ret pe ye ġhusl-e-āftāb tirā
badan tamām sunahrā dikhā.ī paḌtā hai
ufuq agarche pighalta dikhai paDta hai
mujhe to dur sawera dikhai paDta hai
hamare shahr mein be-chehra log baste hain
kabhi kabhi koi chehra dikhai paDta hai
chalo ki apni mohabbat sabhi ko banT aaen
har ek pyar ka bhuka dikhai paDta hai
jo apni zat se ek anjuman kaha jae
wo shaKHs tak mujhe tanha dikhai paDta hai
na koi KHwab na koi KHalish na koi KHumar
ye aadmi to adhura dikhai paDta hai
lachak rahi hain shuaon ki siDhiyan paiham
falak se koi utarta dikhai paDta hai
chamakti ret pe ye ghusl-e-aftab tera
badan tamam sunahra dikhai paDta hai
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
