ujala de charagh-e-rahguzar aasan nahin hota

Ada Jafarey

ujala de charagh-e-rahguzar aasan nahin hota

Ada Jafarey

MORE BYAda Jafarey

    ujālā de charāġh-e-rahguzar āsāñ nahīñ hotā

    hamesha ho sitārā ham-safar āsāñ nahīñ hotā

    jo āñkhoñ oT hai chehra usī ko dekh kar jiinā

    ye sochā thā ki āsāñ hai magar āsāñ nahīñ hotā

    baḌe tābāñ baḌe raushan sitāre TuuT jaate haiñ

    sahar raah taknā tā-sahar āsāñ nahīñ hotā

    añdherī kāsnī rāteñ yahīñ se ho ke guzreñgī

    jalā rakhnā koī dāġh-e-jigar āsāñ nahīñ hotā

    kisī dard-āshnā lamhe ke naqsh-e-pā sajā lenā

    akele ghar ko kahnā apnā ghar āsāñ nahīñ hotā

    jo Tapke kāsa-e-dil meñ to aalam badal jaa.e

    vo ik aañsū magar ai chashm-e-tar āsāñ nahīñ hotā

    gumāñ to kyā yaqīñ bhī vasvasoñ zad meñ hotā hai

    samajhnā sañg-e-dar ko sañg-e-dar āsāñ nahīñ hotā

    na bahlāvā na samjhautā judā.ī judā.ī hai

    'adā' socho to ḳhushbū safar āsāñ nahīñ hotā

    ujala de charagh-e-rahguzar aasan nahin hota

    hamesha ho sitara ham-safar aasan nahin hota

    jo aankhon oT hai chehra usi ko dekh kar jina

    ye socha tha ki aasan hai magar aasan nahin hota

    baDe taban baDe raushan sitare TuT jate hain

    sahar ki rah takna ta-sahar aasan nahin hota

    andheri kasni raaten yahin se ho ke guzrengi

    jala rakhna koi dagh-e-jigar aasan nahin hota

    kisi dard-ashna lamhe ke naqsh-e-pa saja lena

    akele ghar ko kahna apna ghar aasan nahin hota

    jo Tapke kasa-e-dil mein to aalam hi badal jae

    wo ek aansu magar ai chashm-e-tar aasan nahin hota

    guman to kya yaqin bhi waswason ki zad mein hota hai

    samajhna sang-e-dar ko sang-e-dar aasan nahin hota

    na bahlawa na samjhauta judai si judai hai

    'ada' socho to KHushbu ka safar aasan nahin hota

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY