ujala hi ujala raushni hi raushni hai

ujālā hī ujālā raushnī hī raushnī hai

añdhere meñ jo terī aañkh mujh ko dekhtī hai

abhī jaagā huā huuñ maiñ ki thak kar so chukā huuñ

diye kī lau se koī aañkh mujh ko dekhtī hai

tajassus har ufuq par DhūñDhtā rahtā hai us ko

kahāñ se aur kaisī aañkh mujh ko dekhtī hai

amal ke vaqt ye ehsās rahtā hai hamesha

mire andar se apnī aañkh mujh ko dekhtī hai

maiñ jab bhī rāste meñ apne pīchhe dekhtā huuñ

vahī ashkoñ meñ bhīgī aañkh mujh ko dekhtī hai

kahīñ se haath baḌhte haiñ mire chehre kī jānib

kahīñ se surḳh hotī aañkh mujh ko dekhtī hai

darḳhto mujh ko apne sabz pattoñ meñ chhupā lo

falak se ek jaltī aañkh mujh ko dekhtī hai

ujala hi ujala raushni hi raushni hai

andhere mein jo teri aankh mujh ko dekhti hai

abhi jaga hua hun main ki thak kar so chuka hun

diye ki lau se koi aankh mujh ko dekhti hai

tajassus har ufuq par DhunDhta rahta hai us ko

kahan se aur kaisi aankh mujh ko dekhti hai

amal ke waqt ye ehsas rahta hai hamesha

mere andar se apni aankh mujh ko dekhti hai

main jab bhi raste mein apne pichhe dekhta hun

wahi ashkon mein bhigi aankh mujh ko dekhti hai

kahin se hath baDhte hain mere chehre ki jaanib

kahin se surKH hoti aankh mujh ko dekhti hai

darKHto mujh ko apne sabz patton mein chhupa lo

falak se ek jalti aankh mujh ko dekhti hai