ujDe hue dayar ka matlab samajh gae

ujḌe hue dayār kā matlab samajh ga.e

tum kaise intizār kā matlab samajh ga.e

jo ajnabī the ishq-o-mohabbat ke lafz se

sad-shukr hai vo yaar kā matlab samajh ga.e

phir khul ke apne ishq kā iz.hār kar diyā

jab vo bhī hāl-e-zār kā matlab samajh ga.e

hairat meñ huuñ maiñ dekh ke ye aaj dosto

vo kaise dil-figār kā matlab samajh ga.e

thoḌī bahut idhar bhī haiñ kuchh be-qarāriyāñ

jo dil ke tār-tār kā matlab samajh ga.e

us ko bhī merī yaad ne majbūr kar diyā

jab mausam-e-bahār kā matlab samajh ga.e

nazreñ jhukā.e rakhnā 'hirā' un ke rū-ba-rū

vo bhī tumhāre pyaar kā matlab samajh ga.e

ujDe hue dayar ka matlab samajh gae

tum kaise intizar ka matlab samajh gae

jo ajnabi the ishq-o-mohabbat ke lafz se

sad-shukr hai wo yar ka matlab samajh gae

phir khul ke apne ishq ka izhaar kar diya

jab wo bhi haal-e-zar ka matlab samajh gae

hairat mein hun main dekh ke ye aaj dosto

wo kaise dil-figar ka matlab samajh gae

thoDi bahut idhar bhi hain kuchh be-qarariyan

jo dil ke tar-tar ka matlab samajh gae

us ko bhi meri yaad ne majbur kar diya

jab mausam-e-bahaar ka matlab samajh gae

nazren jhukae rakhna 'hira' un ke ru-ba-ru

wo bhi tumhaare pyar ka matlab samajh gae