ulajhte rahte hain dil ke muamlat mein hum

ulajhte rahte haiñ dil ke muāmlāt meñ ham

to aa hī jā.eñge ik din tumhārī baat meñ ham

hamāre baad ye vahshat nahīñ milegī tumheñ

junūñ kā āḳhirī qissa haiñ kā.enāt meñ ham

tirā asiir huā thā ye dil ḳhushī se magar

bahut dukhe hue rahte haiñ tere haath meñ ham

kisī ne pūchh liyā to javāb kyā deñge

nikal to aa.e haiñ aisī akelī raat meñ ham

ulajhte rahte hain dil ke muamlat mein hum

to aa hi jaenge ek din tumhaari baat mein hum

hamare baad ye wahshat nahin milegi tumhein

junun ka aaKHiri qissa hain kaenat mein hum

tera asir hua tha ye dil KHushi se magar

bahut dukhe hue rahte hain tere hath mein hum

kisi ne puchh liya to jawab kya denge

nikal to aae hain aisi akeli raat mein hum