ulfat ki nai manzil ko chala tu banhen Dal ke banhon mein

ulfat kī na.ī manzil ko chalā tū bāñheñ Daal ke bāñhoñ meñ

dil toḌne vaale dekh ke chal ham bhī to paḌe haiñ rāhoñ meñ

kyā kyā na jafā.eñ dil pe sahīñ par tum se koī shikva na kiyā

is jurm ko bhī shāmil kar lo mere ma.asūm gunāhoñ meñ

jab chāñdnī rātoñ meñ tum ne ḳhud ham se kiyā iqrār-e-vafā

phir aaj haiñ ham kyoñ begāne terī be-rahm nigāhoñ meñ

ham bhī haiñ vahī tum bhī ho vahī ye apnī apnī qismat hai

tum khel rahe ho ḳhushiyoñ se ham Duub ga.e haiñ aahoñ meñ

ulfat ki nai manzil ko chala tu banhen Dal ke banhon mein

dil toDne wale dekh ke chal hum bhi to paDe hain rahon mein

kya kya na jafaen dil pe sahin par tum se koi shikwa na kiya

is jurm ko bhi shamil kar lo mere masum gunahon mein

jab chandni raaton mein tum ne KHud hum se kiya iqrar-e-wafa

phir aaj hain hum kyon begane teri be-rahm nigahon mein

hum bhi hain wahi tum bhi ho wahi ye apni apni qismat hai

tum khel rahe ho KHushiyon se hum Dub gae hain aahon mein