ulfat mein bigaD kar bhi ek waza nikali hai

ulfat meñ bigaḌ kar bhī ik vaz.a nikālī hai

dīvāne kī saj-dhaj hī duniyā se nirālī hai

Daalī hai do-ālam par miTTī abhī Daalī hai

bas kuchh nahīñ ab ham meñ yā himmat-e-ālī hai

miltī hai baḌī rāhat ik ḳhāk-nashīnī meñ

maiñ ne to tabī.at hī miTTī kī banā lī hai

is ghar meñ bahut kam hai ab aamad o raft us kī

duniyā kī taraf ham ne dīvār uThā lī hai

kyā rakkhā hai dīvāne in aql kī bātoñ meñ

bar-gashtā-mizājī hai āshufta-ḳhayālī hai

hāsil hai karam us ko ik murshid-e-kāmil kā

'shākir' kī duā le lo 'shākir' ne duā lī hai

ulfat mein bigaD kar bhi ek waza nikali hai

diwane ki saj-dhaj hi duniya se nirali hai

Dali hai do-alam par miTTi abhi Dali hai

bas kuchh nahin ab hum mein ya himmat-e-ali hai

milti hai baDi rahat ek KHak-nashini mein

main ne to tabiat hi miTTi ki bana li hai

is ghar mein bahut kam hai ab aamad o raft us ki

duniya ki taraf hum ne diwar uTha li hai

kya rakkha hai diwane in aql ki baaton mein

bar-gashta-mizaji hai aashufta-KHayali hai

hasil hai karam us ko ek murshid-e-kaamil ka

'shakir' ki dua le lo 'shakir' ne dua li hai