ulTe wo shikwe karte hain aur kis ada ke sath

ulTe vo shikve karte haiñ aur kis adā ke saath

be-tāqatī ke ta.ane haiñ uzr-e-jafā ke saath

bahr-ayādat aa.e vo lekin qazā ke saath

dam hī nikal gayā mirā āvāz-e-pā ke saath

be-parda ġhair paas use baiThā na dekhte

uTh jaate kaash ham bhī jahāñ se hayā ke saath

vo lāla-rū gayā na ho gulgasht-e-bāġh ko

kuchh rañg bū-e-gul ke evaz hai sabā ke saath

us kī galī kahāñ ye to kuchh bāġh-e-ḳhuld hai

kis jaa.e mujh ko chhoḌ ga.ī maut lā ke saath

aatī hai bū-e-dāġh-e-shab-e-tār hijr meñ

siina bhī chaak ho na gayā ho qabā ke saath

gulbāñg kis kā mashvara-e-qatl ho gayā

kuchh aaj bū-e-ḳhūñ hai vahāñ kī havā ke saath

the va.ade se phir aane ke ḳhush ye ḳhabar na thī

hai apnī zindagānī usī bevafā ke saath

kūche se apne ġhair kā muñh hai miTā sake

āshiq kā sar lagā hai tire naqsh-e-pā ke saath

allāh re gumrahī but o but-ḳhāna chhoḌ kar

'momin' chalā hai kaabe ko ik pārsā ke saath

ulTe wo shikwe karte hain aur kis ada ke sath

be-taqati ke tane hain uzr-e-jafa ke sath

bahr-ayaadat aae wo lekin qaza ke sath

dam hi nikal gaya mera aawaz-e-pa ke sath

be-parda ghair pas use baiTha na dekhte

uTh jate kash hum bhi jahan se haya ke sath

wo lala-ru gaya na ho gulgasht-e-bagh ko

kuchh rang bu-e-gul ke ewaz hai saba ke sath

us ki gali kahan ye to kuchh bagh-e-KHuld hai

kis jae mujh ko chhoD gai maut la ke sath

aati hai bu-e-dagh-e-shab-e-tar hijr mein

sina bhi chaak ho na gaya ho qaba ke sath

gulbang kis ka mashwara-e-qatl ho gaya

kuchh aaj bu-e-KHun hai wahan ki hawa ke sath

the wade se phir aane ke KHush ye KHabar na thi

hai apni zindagani usi bewafa ke sath

kuche se apne ghair ka munh hai miTa sake

aashiq ka sar laga hai tere naqsh-e-pa ke sath

allah re gumrahi but o but-KHana chhoD kar

'momin' chala hai kabe ko ek parsa ke sath