umanD rahi hain ghaTaen ki zulf barham hai

umañD rahī haiñ ghaTā.eñ ki zulf barham hai

chhalak rahā hai jo ḳhum hai ki aañkh pur-nam hai

nashāt-e-zīst mayassar nahīñ to kyā shikva

mujhe hayāt se baḌh kar hayāt kā ġham hai

phir aaj gardish-e-daurāñ se maat khaa.ī hai

bisāt-e-dil hī ulaT do ki hausla kam hai

Thahar na jaa.e kahīñ nabz-e-gardish-e-daurāñ

tirī nigāh-e-karam kā kuchh aur aalam hai

na shor-e-naġhma na raqs-e-subū na ḳhanda-e-gul

chaman meñ aaj nigār-e-chaman kā mātam hai

umanD rahi hain ghaTaen ki zulf barham hai

chhalak raha hai jo KHum hai ki aankh pur-nam hai

nashat-e-zist mayassar nahin to kya shikwa

mujhe hayat se baDh kar hayat ka gham hai

phir aaj gardish-e-dauran se mat khai hai

bisat-e-dil hi ulaT do ki hausla kam hai

Thahar na jae kahin nabz-e-gardish-e-dauran

teri nigah-e-karam ka kuchh aur aalam hai

na shor-e-naghma na raqs-e-subu na KHanda-e-gul

chaman mein aaj nigar-e-chaman ka matam hai