ummid ka bab likh raha hun
ummīd kā baab likh rahā huuñ
patthar pe gulāb likh rahā huuñ
vo shahr to ḳhvāb ho chukā hai
jis shahr ke ḳhvāb likh rahā huuñ
ashkoñ meñ piro ke us kī yādeñ
paanī pe kitāb likh rahā huuñ
vo chehrā to ā.īna-numā hai
maiñ jis ko hijāb likh rahā huuñ
sahrā meñ vafūr-e-tishnagī se
saa.e ko sahāb likh rahā huuñ
lamhoñ ke savāl se gurezāñ
sadiyoñ kā javāb likh rahā huuñ
sab us ke karam kī dāstāneñ
maiñ zer-e-itāb likh rahā huuñ
ummid ka bab likh raha hun
patthar pe gulab likh raha hun
wo shahr to KHwab ho chuka hai
jis shahr ke KHwab likh raha hun
ashkon mein piro ke us ki yaaden
pani pe kitab likh raha hun
wo chehra to aaina-numa hai
main jis ko hijab likh raha hun
sahra mein wafur-e-tishnagi se
sae ko sahab likh raha hun
lamhon ke sawal se gurezan
sadiyon ka jawab likh raha hun
sab us ke karam ki dastanen
main zer-e-itab likh raha hun
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
