ummid ke ufuq se na uTTha ghubar tak

ummīd ke ufuq se na uTThā ġhubār tak

dekhī agarche rāh-ḳhizāñ se bahār tak

rakhne ko tere vāda-e-nā-mo'tabar kī laaj

jhelī hai dil ne zahmat-e-sabr-o-qarār tak

dekhā hai kis ne muñh sahar-e-jalva-sāz kā

sab valvale haiñ ek shab-e-intizār tak

sayyād ke sitam se rihā.ī kā zikr kyā

sau daam the qafas se sar-e-shāḳh-sār tak

mātam ye hai ki zauq-e-fuġhāñ bhī nahīñ nasīb

be-soz ho gayā nafas-e-shola-kār tak

jaatī hai dil kī hasrat-e-nazzārgī kahāñ

nazzāra ho gayā hai nigāhoñ pe baar tak

kyā us kī shān-e-banda-navāzī kā pūchhnā

baḳhshā hai muflisoñ ko ġham-e-shāh-vār tak

phir us ke baad dil meñ na utrī koī nigāh

vo teziyāñ rahīñ tire ḳhanjar kī dhaar tak

'haqqī' se sargirāñ hī sahī nukta-dān-e-sher

ik rañg hai ki hai kuchh isī jān-e-hār tak

ummid ke ufuq se na uTTha ghubar tak

dekhi agarche rah-KHizan se bahaar tak

rakhne ko tere wada-e-na-mo'tabar ki laj

jheli hai dil ne zahmat-e-sabr-o-qarar tak

dekha hai kis ne munh sahar-e-jalwa-saz ka

sab walwale hain ek shab-e-intizar tak

sayyaad ke sitam se rihai ka zikr kya

sau dam the qafas se sar-e-shaKH-sar tak

matam ye hai ki zauq-e-fughan bhi nahin nasib

be-soz ho gaya nafas-e-shola-kar tak

jati hai dil ki hasrat-e-nazzargi kahan

nazzara ho gaya hai nigahon pe bar tak

kya us ki shan-e-banda-nawazi ka puchhna

baKHsha hai muflison ko gham-e-shah-war tak

phir us ke baad dil mein na utri koi nigah

wo teziyan rahin tere KHanjar ki dhaar tak

'haqqi' se sargiran hi sahi nukta-dan-e-sher

ek rang hai ki hai kuchh isi jaan-e-haar tak