umid TuTi hui hai meri jo dil mera tha wo mar chuka hai

umiid TuuTī huī hai merī jo dil mirā thā vo mar chukā hai

jo zindagānī ko talḳh kar de vo vaqt mujh par guzar chukā hai

agarche siine meñ saañs bhī hai nahīñ tabī'at meñ jaan baaqī

ajal ko hai der ik nazar kī falak to kaam apnā kar chukā hai

ġharīb-ḳhāne kī ye udāsī ye nā-durustī nahīñ qadīmī

chahal pahal bhī kabhī yahāñ thī kabhī ye ghar bhī sañvar chukā hai

ye siina jis meñ ye daaġh meñ ab masarratoñ kā kabhī thā maḳhzan

vo dil jo armān se bharā thā ḳhushī se us meñ Thahar chukā hai

ġharīb akbar ke gard kyuuñ meñ ḳhayāl vā'iz se koī kah de

use Darāte ho maut se kyā vo zindagī hī se Dar chukā hai

umid TuTi hui hai meri jo dil mera tha wo mar chuka hai

jo zindagani ko talKH kar de wo waqt mujh par guzar chuka hai

agarche sine mein sans bhi hai nahin tabi'at mein jaan baqi

ajal ko hai der ek nazar ki falak to kaam apna kar chuka hai

gharib-KHane ki ye udasi ye na-durusti nahin qadimi

chahal pahal bhi kabhi yahan thi kabhi ye ghar bhi sanwar chuka hai

ye sina jis mein ye dagh mein ab masarraton ka kabhi tha maKHzan

wo dil jo arman se bhara tha KHushi se us mein Thahar chuka hai

gharib akbar ke gard kyun mein KHayal wa'iz se koi kah de

use Daraate ho maut se kya wo zindagi hi se Dar chuka hai