umr bhar jis ki mohabbat mein giraftar rahi
umr bhar jis kī mohabbat meñ giraftār rahī
us ko dīvār kiyā ḳhud pas-e-dīvār rahī
aañkh lag jaa.e to phir aañkh kahāñ lagtī hai
maiñ agar so bhī ga.ī ḳhvāb meñ bedār rahī
tīrgī se mirā samjhauta nahīñ ho saktā
maiñ hamesha se charāġhoñ kī taraf-dār rahī
bāġhbānoñ ko pashemānī isī baat kī hai
maiñ ḳhizāoñ ke dinoñ meñ bhī samar-bār rahī
tū to kam-hausla mat jaan mujhe ai duniyā
tujh se to har ghaḌī maiñ barsar-e-paikār rahī
mere chehre pe 'tabassum' kī haqīqat na khulī
maiñ zamāne ke liye kitnī pur-asrār rahī
umr bhar jis ki mohabbat mein giraftar rahi
us ko diwar kiya KHud pas-e-diwar rahi
aankh lag jae to phir aankh kahan lagti hai
main agar so bhi gai KHwab mein bedar rahi
tirgi se mera samjhauta nahin ho sakta
main hamesha se charaghon ki taraf-dar rahi
baghbanon ko pashemani isi baat ki hai
main KHizaon ke dinon mein bhi samar-bar rahi
tu to kam-hausla mat jaan mujhe ai duniya
tujh se to har ghaDi main barsar-e-paikar rahi
mere chehre pe 'tabassum' ki haqiqat na khuli
main zamane ke liye kitni pur-asrar rahi
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
