un ke adna ghulam ho kar bhi

un ke adnā ġhulām ho kar bhī

ham rahe ḳhaas aam ho kar bhī

bevafā.ī na kī samundar se

mauj ne be-lagām ho kar bhī

dil kī duniyā na kar sake raushan

aap māh-e-tamām ho kar bhī

kaise rāvan kā kaam kar baiThe

naam ke aap raam ho kar bhī

ham nahīñ tere pyaar ke laa.eq

qābil-e-ehtirām ho kar bhī

pyaar karne kī bhuul kar baiThā

shaḳhs vo nek naam ho kar bhī

pyāsī pyāsī hī rah ga.ī 'bādal'

zindagī nazr-e-jām ho kar bhī

un ke adna ghulam ho kar bhi

hum rahe KHas aam ho kar bhi

bewafai na ki samundar se

mauj ne be-lagam ho kar bhi

dil ki duniya na kar sake raushan

aap mah-e-tamam ho kar bhi

kaise rawan ka kaam kar baiThe

nam ke aap ram ho kar bhi

hum nahin tere pyar ke laeq

qabil-e-ehtiram ho kar bhi

pyar karne ki bhul kar baiTha

shaKHs wo nek nam ho kar bhi

pyasi pyasi hi rah gai 'baadal'

zindagi nazr-e-jam ho kar bhi