un ke firaq ne mujhe achchha sila diya

un ke firāq ne mujhe achchhā sila diyā

jo dikh nahīñ rahā thā vo sab kuchh dikhā diyā

pahle lagī nasīm-e-sahar muzhda-e-visāl

is jhoñke ne phir āñkhoñ se dariyā bahā diyā

ik ḳhvāb mushkilāt meñ hotā hai saath saath

ik ḳhvāb ne hayāt kā har ġham bhulā diyā

maiñ sochtā rahā ki karūñ kaise lab-kushā.ī

ashkoñ ne tarjumānī kī dukhḌā sunā diyā

kuchh aur hī nazāra thā shahr-e-huzūr kā

jo aks thā dimāġh meñ yaksar miTā diyā

jab ban nahīñ rahī thī koī taiba kī sabīl

kāġhaz qalam uThāyā to rasta banā diyā

un ke firaq ne mujhe achchha sila diya

jo dikh nahin raha tha wo sab kuchh dikha diya

pahle lagi nasim-e-sahar muzhda-e-visal

is jhonke ne phir aankhon se dariya baha diya

ek KHwab mushkilat mein hota hai sath sath

ek KHwab ne hayat ka har gham bhula diya

main sochta raha ki karun kaise lab-kushai

ashkon ne tarjumani ki dukhDa suna diya

kuchh aur hi nazara tha shahr-e-huzur ka

jo aks tha dimagh mein yaksar miTa diya

jab ban nahin rahi thi koi taiba ki sabil

kaghaz qalam uThaya to rasta bana diya