un ke wadon ka haal kya kahiye

un ke va.adoñ kā haal kyā kahiye

hafta-o-māh-o-sāl kyā kahiye

ārzū-e-visāl kyā kahiye

zehn kā intiqāl kyā kahiye

husn ko maiñ ḳhudā samajhtā huuñ

haa.e merā ḳhayāl kyā kahiye

vahī sub.h-o-masā vahī shab-o-roz

zindagī hai vabāl kyā kahiye

un se koī javāb ban na paḌā

merā tarz-e-savāl kyā kahiye

siskiyāñ ik marīz-e-ġham kī haa.e

aap kī dekh-bhāl kyā kahiye

aap ke lutf meñ sitam pinhāñ

ho ga.e ham nihāl kyā kahiye

aage bas aur kyā hai nām-e-ḳhudā

aap haiñ be-misāl kyā kahiye

ārzūoñ kā hasratoñ kā lahū

zindagī kā ma.aal kyā kahiye

un ke wadon ka haal kya kahiye

hafta-o-mah-o-sal kya kahiye

aarzu-e-visal kya kahiye

zehn ka intiqal kya kahiye

husn ko main KHuda samajhta hun

hae mera KHayal kya kahiye

wahi subh-o-masa wahi shab-o-roz

zindagi hai wabaal kya kahiye

un se koi jawab ban na paDa

mera tarz-e-sawal kya kahiye

siskiyan ek mariz-e-gham ki hae

aap ki dekh-bhaal kya kahiye

aap ke lutf mein sitam pinhan

ho gae hum nihaal kya kahiye

aage bas aur kya hai nam-e-KHuda

aap hain be-misal kya kahiye

aarzuon ka hasraton ka lahu

zindagi ka maal kya kahiye