unki har baat hi urdu mein sanad hai had hai

un kī har baat hī urdu meñ sanad hai had hai

merā likkhā huā har lafz hī radd hai had hai

nazr-e-tashkīk na kar pāk-nigāhī ko mirī

tujh se milnā bhī koī ḳhvāhish-e-bad hai had hai

har na.e panchhī ko uḌne nahīñ detī duniyā

har kisī dil meñ bharā kīna-o-kad hai had hai

mujh ko dekhā jo sar-e-bazm to muñh pher liyā

apne vā'doñ se ye e'rāz-e-amad hai had hai

pahle ḳhud hī mire ḳhvāboñ ko sabotāzh kiyā

ab zarūrat hai mirī aur ashad hai had hai

yuuñ to ahbāb kī ta.adād ziyāda hai magar

itnī mushkil meñ rasad hai na madad hai had hai

qais ke dar kā maiñ sajjāda-nashīñ huuñ lekin

log kahte haiñ ki tū ahl-e-ḳhirad hai had hai

un ki har baat hi urdu mein sanad hai had hai

mera likkha hua har lafz hi radd hai had hai

nazr-e-tashkik na kar pak-nigahi ko meri

tujh se milna bhi koi KHwahish-e-bad hai had hai

har nae panchhi ko uDne nahin deti duniya

har kisi dil mein bhara kina-o-kad hai had hai

mujh ko dekha jo sar-e-bazm to munh pher liya

apne wa'don se ye e'raaz-e-amad hai had hai

pahle KHud hi mere KHwabon ko sabotazh kiya

ab zarurat hai meri aur ashad hai had hai

yun to ahbab ki tadad ziyaada hai magar

itni mushkil mein rasad hai na madad hai had hai

qais ke dar ka main sajjada-nashin hun lekin

log kahte hain ki tu ahl-e-KHirad hai had hai