unki mahfil mein hamesha se yahi dekha riwaj

un kī mahfil meñ hamesha se yahī dekhā rivāj

aañkh se bīmār karte haiñ tabassum se ilaaj

maiñ jo royā un kī āñkhoñ meñ bhī aañsū aa ga.e

husn kī fitrat meñ shāmil hai mohabbat kā mizāj

merī ḳhātir ḳhud uThāte haiñ vo taklīf-e-karam

kaun rakhtā varna mujh jaise gunahgāroñ kī laaj

mere hone aur na hone par hī kyā mauqūf hai

maut par un kī hukūmat zindagī par un kā raaj

uf vo aariz jis ke jalvoñ par fidā mehr-e-mubīñ

aah vo lab jin ko dete haiñ mah o anjum ḳhirāj

maiñ huuñ 'anvar' un kī zāt-e-pāk kā adnā ġhulām

hai sar-e-aqdas pe jin ke rahmat-e-yazdāñ kā taaj

un ki mahfil mein hamesha se yahi dekha riwaj

aankh se bimar karte hain tabassum se ilaj

main jo roya un ki aankhon mein bhi aansu aa gae

husn ki fitrat mein shamil hai mohabbat ka mizaj

meri KHatir KHud uThate hain wo taklif-e-karam

kaun rakhta warna mujh jaise gunahgaron ki laj

mere hone aur na hone par hi kya mauquf hai

maut par un ki hukumat zindagi par un ka raj

uf wo aariz jis ke jalwon par fida mehr-e-mubin

aah wo lab jin ko dete hain mah o anjum KHiraj

main hun 'anwar' un ki zat-e-pak ka adna ghulam

hai sar-e-aqdas pe jin ke rahmat-e-yazdan ka taj