un ko jigar ki justuju unki nazar ko kya karun

Hafeez Jalandhari

un ko jigar ki justuju unki nazar ko kya karun

Hafeez Jalandhari

MORE BYHafeez Jalandhari

    un ko jigar justujū un nazar ko kyā karūñ

    mujh ko nazar aarzū apne jigar ko kyā karūñ

    raat raat meñ tamām tai hue umr ke maqām

    ho ga.ī zindagī shaam ab maiñ sahar ko kyā karūñ

    vahshat-e-dil fuzūñ to hai haal mirā zubūñ to hai

    ishq nahīñ junūñ to hai us ke asar ko kyā karūñ

    farsh se mutma.in nahīñ past hai nā-pasand hai

    arsh bahut buland hai zauq-e-nazar ko kyā karūñ

    haa.e koī davā karo haa.e koī duā karo

    haa.e jigar meñ dard hai haa.e jigar ko kyā karūñ

    ahl-e-nazar koī nahīñ is liye ḳhud-pasand huuñ

    aap dekhtā huuñ maiñ apne hunar ko kyā karūñ

    tark-e-ta.alluqāt par gir ga.ī barq-e-iltifāt

    rāhguzar meñ mil ga.e rāhguzar ko kyā karūñ

    un ko jigar ki justuju un ki nazar ko kya karun

    mujh ko nazar ki aarzu apne jigar ko kya karun

    raat hi raat mein tamam tai hue umr ke maqam

    ho gai zindagi ki sham ab main sahar ko kya karun

    wahshat-e-dil fuzun to hai haal mera zubun to hai

    ishq nahin junun to hai us ke asar ko kya karun

    farsh se mutmain nahin past hai na-pasand hai

    arsh bahut buland hai zauq-e-nazar ko kya karun

    hae koi dawa karo hae koi dua karo

    hae jigar mein dard hai hae jigar ko kya karun

    ahl-e-nazar koi nahin is liye KHud-pasand hun

    aap hi dekhta hun main apne hunar ko kya karun

    tark-e-talluqat par gir gai barq-e-iltifat

    rahguzar mein mil gae rahguzar ko kya karun

    Source:

    • Book : Kulliyat-e-Hafeez Jalandhari (Pg. 410)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY