unhen ye fikr hai har dam nai tarz-e-jafa kya hai

unheñ ye fikr hai har dam na.ī tarz-e-jafā kyā hai

hameñ ye shauq hai dekheñ sitam kī intihā kyā hai

gunah-gāroñ meñ shāmil haiñ gunāhoñ se nahīñ vāqif

sazā ko jānte haiñ ham ḳhudā jaane ḳhatā kyā hai

ye rañg-e-be-kasī rañg-e-junūñ ban jā.egā ġhāfil

samajh le yās-o-hirmāñ ke maraz kī intihā kyā hai

nayā bismil huuñ maiñ vāqif nahīñ rasm-e-shahādat se

batā de tū hī ai zālim taḌapne kī adā kyā hai

chamaktā hai shahīdoñ kā lahū parde meñ qudrat ke

shafaq kā husn kyā hai shoḳhi-e-rañg-e-hinā kyā hai

umīdeñ mil ga.iiñ miTTī meñ daur-e-zabt-e-āḳhir hai

sadā-e-ġhaib batlā de hameñ hukm-e-ḳhudā kyā hai

unhen ye fikr hai har dam nai tarz-e-jafa kya hai

hamein ye shauq hai dekhen sitam ki intiha kya hai

gunah-garon mein shamil hain gunahon se nahin waqif

saza ko jaante hain hum KHuda jaane KHata kya hai

ye rang-e-be-kasi rang-e-junun ban jaega ghafil

samajh le yas-o-hirman ke maraz ki intiha kya hai

naya bismil hun main waqif nahin rasm-e-shahadat se

bata de tu hi ai zalim taDapne ki ada kya hai

chamakta hai shahidon ka lahu parde mein qudrat ke

shafaq ka husn kya hai shoKHi-e-rang-e-hina kya hai

umiden mil gain miTTi mein daur-e-zabt-e-aKHir hai

sada-e-ghaib batla de hamein hukm-e-KHuda kya hai