urdu key shairi hai to hogi ye baat bhi

urdu key shā.irī hai to hogī ye baat bhī

ilm-e-arūz bhī hai rumūz-o-nikāt bhī

yuuñ hī guzar na jaa.e milan kī ye raat bhī

aao ki ab to kar leñ koī apnī baat bhī

tum apnī muskurāhaTeñ khonā nahīñ kabhī

gum-gashta ho na jaa.e mirī kā.enāt bhī

ham par karam hai aap key tashrīf-āvrī

ab iltimās hai ki rahe iltifāt bhī

chhoTe kisān haiñ ki mare jā raheñ roz

hālat pe apnī ro rahī hai shām-lāt bhī

kyā merā naam kaafī nahīñ hai ki aap ab

mujh se ye kah rahe haiñ likhūñ apnī zaat bhī

kuchh nekiyāñ kamāne key jaldī hameñ bhī hai

nā-qābil-e-yaqīñ hai hamārī hayāt bhī

urdu key shairi hai to hogi ye baat bhi

ilm-e-aruz bhi hai rumuz-o-nikat bhi

yun hi guzar na jae milan ki ye raat bhi

aao ki ab to kar len koi apni baat bhi

tum apni muskurahaTen khona nahin kabhi

gum-gashta ho na jae meri kaenat bhi

hum par karam hai aap key tashrif-awri

ab iltimas hai ki rahe iltifat bhi

chhoTe kisan hain ki mare ja rahen roz

haalat pe apni ro rahi hai sham-lat bhi

kya mera nam kafi nahin hai ki aap ab

mujh se ye kah rahe hain likhun apni zat bhi

kuchh nekiyan kamane key jaldi hamein bhi hai

na-qabil-e-yaqin hai hamari hayat bhi