us ka badan bhi chahiye aur dil bhi chahiye

us kā badan bhī chāhiye aur dil bhī chāhiye

surḳhī-e-lab bhī gaal kā vo til bhī chāhiye

ye kārobār-e-shauq hai be-gār to nahīñ

is kārobār-e-shauq kā hāsil bhī chāhiye

paanī aur aag ek jagah chāhiyeñ hameñ

jo shāḳh gul-ba-dast ho qātil bhī chāhiye

sab ko ḳhabar to ho ki vo merā hai bas mirā

pahlū meñ yaar barsar-e-mahfil bhī chāhiye

pā kar charāġh-e-dil kī havas aur baḌh ga.ī

mausūf ko ab ik mah-e-kāmil bhī chāhiye

yuuñ be-kanār ārzūoñ se vasūl kyā

ḳhvāhish ko ek samt bhī sāhil bhī chāhiye

zholīda-mū o chāk-garebāñ sab ahl-e-dil

koī to is qabīle meñ aaqil bhī chāhiye

apnī alag shanāḳht bhī 'imrran' ho zarūr

vo shaḳhs apnī ziist meñ shāmil bhī chāhiye

us ka badan bhi chahiye aur dil bhi chahiye

surKHi-e-lab bhi gal ka wo til bhi chahiye

ye karobar-e-shauq hai be-gar to nahin

is karobar-e-shauq ka hasil bhi chahiye

pani aur aag ek jagah chahiyen hamein

jo shaKH gul-ba-dast ho qatil bhi chahiye

sab ko KHabar to ho ki wo mera hai bas mera

pahlu mein yar barsar-e-mahfil bhi chahiye

pa kar charagh-e-dil ki hawas aur baDh gai

mausuf ko ab ek mah-e-kaamil bhi chahiye

yun be-kanar aarzuon se wasul kya

KHwahish ko ek samt bhi sahil bhi chahiye

zholida-mu o chaak-gareban sab ahl-e-dil

koi to is qabile mein aaqil bhi chahiye

apni alag shanaKHt bhi 'imrran' ho zarur

wo shaKHs apni zist mein shamil bhi chahiye