us ka chehra bhi chamak mein na misali nikla
us kā chehra bhī chamak meñ na misālī niklā
chāñd sūraj ke ujāloñ kā savālī niklā
log samjhā kiye mausam hī nahīñ uḌne kā
us kī uzlat kā sabab be-par-o-bālī niklā
phuul to mil gayā ḳhushbū na magar haath lagī
us ko paane kā junūñ ḳhām-ḳhayālī niklā
bārish-e-sañg meñ bhī aa.ī duā hoñToñ par
sab ne kam-tar jise jaanā thā vo aalī niklā
be-hadaf tiir chalātā rahā koī 'gulzār'
jab zarūrat paḌī tarkash vahāñ ḳhālī niklā
us ka chehra bhi chamak mein na misali nikla
chand suraj ke ujalon ka sawali nikla
log samjha kiye mausam hi nahin uDne ka
us ki uzlat ka sabab be-par-o-baali nikla
phul to mil gaya KHushbu na magar hath lagi
us ko pane ka junun KHam-KHayali nikla
barish-e-sang mein bhi aai dua honTon par
sab ne kam-tar jise jaana tha wo aali nikla
be-hadaf tir chalata raha koi 'gulzar'
jab zarurat paDi tarkash wahan KHali nikla
- Book : Funoon (Monthly) (Pg. 231)
- Author : Ahmad Nadeem Qasmi
- Publication : 4 Maklood Road, Lahore (25Edition Nov. Dec. 1986)
- Edition : 25Edition Nov. Dec. 1986
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
